განათლების დონე საქართველოში


მოდით ქართველების გაუნათლებლობასა და სიზარმაცეს ცუკენბერგს ნუ დავაბრალებთ,თუმცა ფაქტია მისმა შემოქმედებამ, მართლაც გადარია ერიც და ბერიც.აღსანიშნავია ისიც,რომ  სოციალური ქსელის და ზოგადად ინერნეტის მეშვეობით ძალიან ბევრი საინტერესო ინფორმაციის მოძიებაა შესაძლებელი,რათქმაუნდა დაინტერესების შემთხვევაში.იმ ეპოქაში, სადაც ინტერნეტია, წიგნის არსებობა ავტომატურად გამოირიცხება.წიგნს სკოლებშიც თანდათან ანაცვლებს ე.წ “ბუკები”.. საბოლოოდ მივდივართ ვითომ ევროპისკენ და ამ დროს ვშტერდებით,ამ სიტყვის როგორც პირდაპირი ისე ირიბი მნიშვნელობით.

ჩემი აზრით,ასეთ დროს მნიშვნელოვანი როლი უნდა შეასრულოს ოჯახმა,სადაც მოზარდს თავიდანვე უნდა შეაყვარონ წიგნი და მიაჩვიონ კითხვას.რათა მომავალშიც ასეთი მძიმე შედეგები არ გვქონდეს!!!

სასაცილოა, სატირალი რომ არ იყოს!!!

 

Advertisements

ჟურნალისტიკის პრინციპები


 

download

დღეს რატომღაც ყველა იჩემებს ჟურნალისტობას,მაგრამ რამდენად გამოსდით ეს კიდევ ცალკე განსახილველი თემაა,დღეს გადავწყვიტე შემეგროვებინა ის ძირითადი პრინციპები,რაც ადამიანს ღირსეულ ჟურნალისტად აქცევს.მინდა გადახედოთ ქვემოთ მოცემულ მასალებს და კიდევ ერთხელ დაფიქრდეთ რამდენად ხართ ღირსი გერქვათ ჟურნალისტი.))))

1.რისთვის არსებობს ჟურნალისტიკა?

  • ჟურნალისტიკის დაბადება და მისი მიზანი;
  • თანამედროვე ჟურნალისტიკა მე-17 საუკუნის დასაწყისში ჩაისახა.გადაჭარბებული არ იქნება თუ ვიტყვით,რომ ეს მეცნიერება უბრალო საუბრებში ჩაისახა,საზოგადოებრივი თავშეყრის ადგილებში.მაგალითად ინგლისში-ყავახანებში,ხოლო ამერიკაში კი „საზოგადოებრივ სახლებში“.ამერიკაში ბარმენები ისმენდნენ მოგზაურთა ისტორიებს.პირველი გაზეთებიც ამ ყავახანებში დაიბადა,დაახლოებით 1609 წელს,როცა ამ საქმით დაინტერესებულმა ინიციატივიანმა მბეჭდავებმა ჭორების,პოლიტიკური დებატების შეგროვება და შემდეგ ფურცლებზე გადატანა.პირველი გაზეთების გამიოჩენისთანავე ინგლისელი პოლიტიკოსები ალაპარაკდნენ ამ ახალ ფენომენზე,რომელსაც „საზოგადოებრივი აზრი“ უწოდეს.მე- 18 საუკუნის დასაწყისში კი ინგლისელმა მბეჭდავებმა დაიწყეს თავისუფალი სიტყვისა და პრესის თეორიის ჩამოყალიბება,რაც დიდი წარმატებითაც განახორციელეს.

2.ვისთვის მუშაობენ ჟურნალისტები?

  • ჟურნალისტიკა პირველ რიგში მოქალაქეების ერთგული უნდა იყოს;

 

  • ყველა ჟურნალისტი ვალდებულია აცნობიერებდეს,რომ მოქალაქეების მიმართ მოვალეობაა უფრო მაღლა დგას,ვიდრე პროფესიული ეგოიზმი.აუდიტორიის მიმართ ერთგულება არის ის,რაც პირველობას არ კარგავს დამქირავებლის მიმართ ერთგულებასა და საკუთარი თავის ერთგულებას შორის.

3.გადამოწმების ჟურნალისტიკა.

  • ჟურნალისტიკის არსი ინფორმაციის მუდმივი გადამოწმებაა;
  • გადამოწმების დისციპლინა განასხვავებს ჟურნალისტიკას გართობის,პროპაგანდის,მხატვრული ლიტერატურისა და ხელოვნებისგან.ჟურნალისტმა უნდა მოიპოვოს იმის შესახებ ინფორმაცია,რაც ნამდვილად ხდება.ჟურნალისტებს ხშირად უჭირთ მათი ყოველდღიური შრომისა და ჟურნალისტიკის როლის ერთმანეთთან დაკავშირება.ყოველთვის არ შეუძლიათ გააზრება რა როლი აკისრია საზოგადოებაში ამბის გადამოწმებას.ეს ყველაფერი კი ჟურნალისტიკის ცენტრალურ ფუნქციაში შედის.

4.ინფორმაციის მიწოდების ძირითადი ინტელექტუალური პრინციპები:

1.არასოდეს დაამატო ინფორმაციას,ის რაც არ მომხდარა!

2.არასოდეს მოატყუო აუდიტორია!

3.გქონდეს მაქსიმალურად გამჭვირვალე მეთოდები და მოტივები;

4.დაეყრდენი გადმოცემის საკუთარ,ორიგინალურ სტილს;

5.იყავი თავმდაბალი.

 

5.მოტყუებული წყაროები

  • ასეთ დროს დიდი მნიშვნელობა ენიჭება თუ როგორი ურთიერთობა აქვთ ჟურნალისტებს ინფორმაციის წყაროებთან.ჟურნალისტმა არასდოს არ უნდა მოატყუოს წყარო და შეიყვანოს შეცდომაში ინფორმაციის მოსაპოვებლად.არსებობს ჟურნალისტთა განსაკუთრებელი კატეგორია,რომლებსაც წყაროები განზრა სეყავთ შეცდომაში,ამას „შენიღბვის“თეორია ქვია.ანუ სე არის პროცესი,როცა ჟურნალისტი ინფორმაციის მოსაპოვებლად საკუთარ თავს სხვად ასაღებს და ყველაფერზე მიდის ოღონდ წყაროს დასტყუოს ესა თუ ის მისთვის დაინტერესო ინფორმაცია.

6.სიზუსტის შემოწმება:

  • სტატიების კითხვისას რედაქტორებს სხავდასხვა კითხვებთან ერთად სხვა კითხვებზეც უწევთ პასუხის გაცემა:

1.საკმარისადაა თუ არა დასაბუთებული სტატიის შესავალი?

2.ვინმემ თუ გადაამოწმა სტატიაში მითითებული ნომრების,მისამართების,სახელები და  წოდები რამდენად შეესაბამება რეალობას;

3.საჭირო ხომ არ არის დამათებითი მონაცემები იმისთვის,რომ სტატია სრულყოფილად იქნეს აღქმული?

4.იდენტიფიცირებულია თუ არა სტატიაში ნახსენებიყველა მხარე და დაუკავშირდნენ თუ არა ყოველი მხარის წარმომადგენლებს და მისცეს თუ არა მათ აზრის გამოთქმის საშუალება?

5.რომელიმე მხარისკენ ხომ არ იხრება სტატია? ვინმეს იმაზე მეტად ხომ არ მოეწონება სტატია,ვიდრე საჭიროა?

6.რამე ხომ არ აკლია?

7.ჟურნალისტის დამოუკიდებლობა

  • ჟურნალისტმა უნდა შეინარჩუნოს დამოუკიდებლობა მათგან ვისაც აშუქებს.,ეს ეხება იმ ჟურნალისტებს,ვინს საკუთარ მოსაზრებებს,კრიტიკასა და კომენტარებს აქვეყნებს.ამ კონტექსტში კერზოდ ბლოგერები შეგვიძლია მოვიხსენიოთ,მაგრამ ბლოგერები არამართო საკუთარ ნააზრევს წერენ,არამედ დიდი ინტერესითა და მონდომებით ასახავენ ქვეყანაში მიმდინარე ყველა მოვლენას,იქნება ეს პოლიტიკური,კულტურული თუ სოციალური.ესენი ის ადამიანები არიან,რომლებიც ყოველგვარი დაკვეთისა დაპასუხისმგებლობისგან თავისუფლები არია,აქედან გამომდინარე ძნელია ვაიძულოთ,ჟურნალისტიკის სტანდარტებს დაემორჩილონ.ამ შემთხვევაში მტავარია არ გასცდნენ კანონის ფარგლებს.

 

8.გააკონტროლე ხელისუფლება და მიეცი ხალხს ტრიბინა:

  • მაკონტროლებლის პრინციპი,მხოლოდ მთავრობის გაკონტროლებას არ გულისხმობს,ის საზოგადოების ყველა გავლენიან ინსტიტუტსაც ეხებაეს ასე იყო ჟურნალისტიკის დაარსების პირველივე დღეებიდან.ჟურნალისტი ვალდბული თვალი ადევნოს და აღმოჩენის თანავე დააფიქსიროს ნებისმიერი პროფესიული სიიკეთე თუ გადაცდომა.რაც მტავარია ეს ორივე ადეკვატურად და ობიექტურად უნდა იქნეს გაშუქებული,რაც შეეხება ტრიბუნას,ჟურნალისტი ყოველთვის მზად უნდა იყოს მოისმინოს ნებისმირი მოქალაქის გასჭირი და მიიტანოს ეს ინფორმაცია შესაბამის ორგანოებამდე,რათა მათ შესაბამისი ადეკვატური რეგირება მოხდინონ აღნიშნულ ფაქტზე.

9.მიმზიდველობა  და ადეკვატურობა ჟურნალისტიკაში:

  • ის რაც მნიშვნელოვანია ჟურნალისტმა საინტერესოდ და ადეკვატურად უნდა გადმოსცეს და წარმოაჩინოს.ჟურნალისტიკა არის ამბისთხრობა,რომელსაც თავისი მიზნი აქვს.ეს მიზანი კი ხალხისთვის ინფორმაციის საინტერესოდ და გასაგებად მიწოდება გახლავთ.ისე უნდა მიაწოდო ინფორმაცია,რომ ხალხმა მოგისმინოს.ამისთვის კი საჭიროა ეს ყველაფერი ყველასთვის გასაგები ენით იყოს გადმოცემული.

10.ჟურნალისტი პასუხს აგებს სინდისის წინაშე:

  • ყველა ჟურნალისტს,მნიშვნელობა არ აქვს ჟურნალისტიკის რომელ იერარქიის რომეს საფეხურზეა,აუცილებლად უნდა ჰქონდეს ეთიკისა და პასუხისმგებლობის უდიდესი გრძნობა.ჟურნალისტი ვალდებულია თავისი სინდისის შესაბამისად მოიქცეს და სხვებსაც მისცეს ასე მოქცევის საშუალება.მარტივად რომ ვთქვათ,ის ვინც მედიასა თუ პრესაში მუშაობს უნდა აცნობიერებდეს პირად ვალდებულებას ჰქონდეს საკუთარი აზრი,რომელიც არ ემთხვევა ან სულაც ეწინააღმდეგება დამქირავებლის,რედაქტორისა თუ ხელისუფლების წარმომადგენლის აზრს,როცა ამას სამართლიანობა მოთხოვს.

 

 

 

 

ჯარიმები საქართველოში


რამდენიმე დღის წინ პენსიონერი ქალბატონი ლუდის სმისთვის დააჯარიმა პოლიციამ,რასაც დიდი აჟიოტაჟი და გამოხმაურება მოყვა მეზობლების მხრიდან.საქმე იმაშია,რომ საქართველოს ადმინისტრაციულ სამართალდარღვევათა კოდექსის 171-ე მუხლის პირველი ნაწილი აწესებს პასუხისმგებლობას ალკოჰოლური სასმელების სმისათვის შემდეგ საზოგადოებრივ ადგილებში:

1. სტადიონზე,

2.  სკვერში,

3. პარკში,

4.ყველა სახის საზოგადოებრივ ტრანსპორტში,

5. სხვა საზოგადოებრივ ადგილებში.  სხვა საზოგადოებრივ ადგილში იგულისხმება – საჯარო სივრცეში (მაგ. ქუჩა, საზოგადოებრივი ტრანსპორტის გაჩერების პუნქტი, ფეხით მოსიარულეთა მიწისქვეშა გადასასვლელი, ხიდი, გვირაბი, სადარბაზოები და სხვ.), ორი ან ორზე მეტი პირის შეკრების ადგილი.

შინაგან საქმეთა სამინისტროს პრესსამსახურის უფროსმა ქალბატონმა ნინო გიორგობიანმა,აღნიშნულ საკითხზე ჯერ კიდევ ერთი წლის წინ გააკეთა კომენტარი და საზოგადოება დაამშვიდა,რომ ეს კანონი არ ეხება პაემანსა და კოცნას.

nino

გვიან ღამით ხმაურზე ჯარიმების დაწესების შესახებ პროექტი კი უკვე მზადდება და მას თბილისის საკრებულო მომავალ კვირაში განიხილავს,ამასთან დაკავშირებით საკრებულოს დამოუკიდებელმა დეპუტატმა ალეკო ელისაშვილმა ისაუბრა.მისი თქმით : “ურბანულ და იურიდიულ საკითხთა კომისია მუშაობს ახლა ამ პროექტის მომზადებაზე და იმ კვირის დასაწყისში სავარაუდოდ უკვე მზად იქნება. ამის შემდეგ წარავდგენთ ამას უკვე განსახილველად და ყველა დაინტერესებულ მხარეს დავპატიჟებთ, როგორც ხმაურით შეწუხებულ ხალხს, ასევე ხმაურის ორგანიზატორებსაც, რესტორნებისა და ბარების მეპატრონეებს. იქნება საჯარო განხილვა. ჯარიმა ამაზე უნდა იყოს ძალიან სოლიდური, არანაკლებ 1000 ლარისა,23:00 საათის შემდეგ ადამიანებს აქვთ უფლება, მშვიდად დაიძინონ და არ იყვნენ დასტერესილ, დანერვოზებულები სხვადასხვა ტიპის ხმაურით. რესტორნებისა და ბარების მფლობელებმა ან ხმის იზოლაციაზე იზრუნონ შენობის შიგნით, ან ცოცხალი მუსიკა და კონცერტები 11 საათამდე გამართონ, 11-ის მერე კეთილი ინებონ და სცენ ადამიანებს პატივი, არც მოტოციკლეტები აბღუილონ, არც ფეიერვერკები აბუთქუნონ და არც მუსიკით შეაწუხონ ხალხი “,- განაცხადა ელისაშვილმა.

 

პრეზიდენტმა იცის რომ პრეზიდენტიაა?


ქვეყანაში მიმდინარე პროცესებთან დაკავშირებით, უახლოეს წარსულში გადავწყვიტე ჩამეწერა ქვეყნის პრემიერ მინისტრი და მომესმინა მისი შეფასება და სამომავლო გეგმები!!! ჩემ თავს შევპირდი,რომ ამაზე არაფერს დავწერდი,მაგრამ დღეს მომხდარმა ფაქტმა იმდენად გამაღიზიანა,რომ ჩემი თავისთვის მიცემული პირობა დამავიწყა!!!

საქმე იმაშია,რომ რომ როცა დავუკავშირდი ბატონ ირაკლი ღარიბაშვილს და ავუხსენი რა თემაზე მსურდა მასთან საუბარი,ჩვენს შორის ასეთი დიალოგი შედგა:

მე:ბატონო ირაკლი ქვეყანაში მინდინარე პროცესებთან დაკავშირებით მინდა თქვენი ჩაწერა;

ირაკლი: და რა ხდება ქვეყანაში?

მე:შეჩერებულ მშენებლობებზე,გაზრდილ კრიმინალზე,დასავლელ პარტნიორებთან ურთიერთობასა და ბევრ მნიშვნელოვან საკითხზე მაინტერესებს თქვენი აზრი;

ირაკლი:დასავლეთთან ურთიერთობაზე უკვე ვესაუბრე რუსთავი 2_სა თუ იმედს აღარ მახსოვს,მასალები აქედან შეგიძლია აიღოთ; კრიმინალთან დაკავშირებით  კი შეგიძლიათ ბატონ ჭიკაიძეს მიმართოთ;

მე:ბატონო ირაკლი თქვენ ქვეყნის პრემიერ მინისტრი ხართ,ასე რომ ალბათ გესმით ,თქვენდამი ინტერესი…

ირაკლი:გასაგებია,მაგრამ მე ეგ არ მეხება!

მე:უკაცრავად,მაგრამ ქვეყანაში მიმდინარე პროცესები თქვენ არ გეხებათ?

ირაკლი:არა!

მე:აბა ვის შეიძლება ვკითხოთ,თქვენ არ გეხებათ,პრეზიდენტი კი აბსაიტშია!!! მაშინ მითხარით ვის მივმართო?

ირაკლი:ეგ თქვენი გადასაწყვეტია!!!

მე:კარგით,კარგათ ბრძანდებოდეთ…

ირაკლი:კარგათ…

დღეს კი ბატონმა პრემიერმა დიდი სიამაყით გამოაცხადა,რომ ყოველთვის მზად არის უპასუხოს ყველა კითხვას და არასდროს გაურბის მასმედიას!!!

ერთი სიტყვით სასაცილოა სატირალი,რომ არ იყოს!!!

ქვეყანას ყავს პრეზიდენტი,რომელიც ფაქტიურად არ ყავს!!!

ასევე გვყავს პრემიერ მინისტრი,რომლსაც სანამ ტექსტს არ დაუწეერ და კარგად არ დააზეპირებ მანამ არ შეუძლია კითხვაზე პასუხის გაცემა!! და უნამუსოდ ამბობს რომ არ ეხება ის რაც ქვეყანაში ხდება!! მიჩნდება აბსოლიტურად ლოგიკური კითხვა, მისი კონსტიტუციის წიგნს მგელი ახატია და ამიტომ ვერ შლის?

თუ ასეა,მე ვათხოვებ არაა პრობლემა,იქნებ რამე წაიკითხოს და თავის უფლება-მოვალეობეში მაინც გაერკვეს!!!

წმიდა დიმიტრი ყიფიანის სახლ-მუზეუმი დღეს


წმიდა დიმიტრი ყიფიანის სახლ-მუზეუმი დღეს.

რატომ ესხმის თავს სასულიერო პირი მრევლს?


ის,რომ სასულიერო პირები დღეს რიგითი მოქალაქეებივით იქცევიან ეს აღარავის უკვირს,თუმცა არის შემთხვევები,როცა შეუძლებელია ნერვებმა არ გიმტყუნოს.

“ვაი ჟურნალისტები”


დღესდღეობით საქართველოში არაერთი არასამთავრობო ორგანიზაცია შეიქმნა,და ყველამ იცის რომ მათი უმრავლესობა პოლიტიკური პარტიების შვილობილი ორგანიზაციებია.ძალიან კი ცდილობენ მათი წარმომავლობისა თუ მფარველის დაფარვას,მაგრამ რამდენად გამოსდით  ეს კიდევ ცალკე განსახილველი თემაა.ყველაზე დიდი პრობლემას რაც წარმოადგენს არის ის,რომ ეს არასამთავრობო  ორგანიზაციები იბრალებენ ჟურნალისტობას და ქმნიან ღია ბლოგებს,სადაც ნებისმიერ მსურველს საშუალება აქვს გამოაქვეყნოს ინფორმაცია,რომელიც მხოლოდ იმათზეა დაწერილი,ვინც აღნიშნულ ორგანიზაციებს ლობირებს.

ჩემი აზრით ეს არ არის ჟურნალისტიკა,რადგან ჟურნალისტიკის პრინციპები ხელაღებით კრძალავს მხოლოდ ერთი მხარის არაობიექტურად გაშუქებას.მიუღებელი და წარმოუდგენელია მხოლოდ ერთ მხარეს მისცე აზრის გამოთქმის უფლება და არ მოუსმინო მეორე თუ მესამე მხარეს.ამ გზით ამტკიცებენ რომ არიან მიკერძოებულები და მხოლოდ ერთი პოლიტიკური ძალის პოლიტიკის გამტარებლები.

 

 

images

 

სწორედ ამ ტიპის ჟურნალისტები და ნიუს პორტალები უტეხავენ სახელს ობიექტურ ჟურნალისტებს.დამეთანხმებით არაა ადვილი მოიპოვო ინფორმაცია,ეს ზოგადად საკმაოდ რთული პროცესია,მაგრამ როდესაც კიდებ საქმეს ხელს უნდა მიიყვანო ბოლომდე და თანაც ისე,რომ შენს მიმართ არცერთ მოქალაქეს,პოლიტიკურ პარტიას,დამკვეთსა თუ რედაქტორს შენი მისამართით პრეტენზია არ გაუჩნდეს. პრობლემა იმაშია,რომ ჟურნალისტებს პირდაპირ ქუჩიდან კრეფენ,კრეფენ იმიტომ,რომ უკვე კარგად გაწაფული და საკუთარ პროფესიაში დახელოვნებული ჟურნალისტი არასდროს არ იკადრებს იყოს მიკეძოებული და არაობოექტური.მან უკვე კარგად იცის,როგორ ასახოს რეალობა გამჭვირვალედ.არსებულ ორგანიზაციებს კი მსგავსი გამოცდილი კადრი არ ჭირდებათ,იმ მარტივი და უბრალო მიზეზის გამო,რომ ისინი არასდროს დაკარგავენ აუდიტორიის ნდობას,რადგან ნდობა არის ის რაც ყველა ჟურნალისტისთვის ჰაერივით სასიცოცხლოდ აუცილებელია!!!

უბრალოდ მინდა მსგავს ორგანიზაციებში დასაქმებულ ჟურნალისტებს ვურჩიო,გაითვალისწინონ ის მარტივი თეორემა,რომ სადაც არ უნდა წავიდნენ ყოველთვის გაახსენებენ იმ მძიმნე წარსულს,წარსულს როცა “ვაი ჟურნალისტები” ერქვათ!!!!!

 

 

პოლიციის უუნარობა


images (9)

„ოჯახურ კონფლიქტებთან დაკავშირებით, შემაკავებელი ორდერების გაცემის სტატისტიკა საეჭვოდ დაბალია – 2013 წელს, 5447 გამოძახებიდან 212 შემთხვევაზე გამოიცა შემაკავებელი ორდერი. პოლიციელები თავს არიდებენ დაარეგისტრირონ დანაშაული და დაიწყონ გამოძიება ოჯახში ძალადობის მუხლით“, – ამის შესახებ ფემინისტების დამოუკიდებელი ჯგუფის მიერ მომზადებულ პეტიციაშია ნათქვამი.

შინაგან საქმეთა მინისტრის ალექსანდრე ჭიკაიძის სახელზე მომზადებულ პეტიციაში ნათქვამია, რომ პოლიცია ოჯახურ ძალადობასთან ბრძოლაში კვლავ უუნაროა.

„ბოლო დროს ქალებზე ძალადობა უკიდურესად გამწვავდა საქართველოში. სულ უფრო ხშირად გვესმის თუ როგორ მოკლა ან დაასახიჩრა ქმარმა თუ ყოფილმა ქმარმა ქალი; როგორ მოიტაცეს, იძულებით გაათხოვეს ან გააუპატიურეს გოგონები.

პოლიცია უუნარო რჩება ოჯახში ძალადობის დანაშაულთან ბრძოლაში. მიუხედავად იმისა, რომ ყოველწლიურად ათასობით ზარი შედის პოლიციის ცხელ ხაზზე ოჯახურ კონფლიქტებთან დაკავშირებით, შემაკავებელი ორდერების გაცემის სტატისტიკა საეჭვოდ დაბალია. შსს-ს რეაგირება მხოლოდ სიტყვიერი ან წერილობით გაფრთხილებით შემოიფარგლება. ოჯახში ძალადობის პრობლემა კი სულ უფრო მწვავდება“, – ნათქვამია პეტიციის ტექსტში, რომელსაც ამ დროისთვის 1000 ხელმომწერი ჰყავს.

download

ფემინისტების დამოუკიდებელი ჯგუფი ხელისუფლებას შეახსენებს, რომ მას აქვს პოზიტიური ვალდებულება დაიცვას ადამიანები ძალადობისგან, მათ შორის ოჯახში ძალადობისგან.

„როდესაც სახელმწიფომ იცის ოჯახში ძალადობის შესახებ და ეფექტურად ვერ ახდენს მოსალოდნელი დანაშაულის პრევენციას, ის უშუალოდ პასუხისმგებელი ხდება მომხდარ დანაშაულზე“, – აღნიშნულია განცხადებაში.

პეტიციის ხელმომწერები შინაგან საქმეთა სამინისტროსგან მოითხოვენ:

„შეიქმნას გენდერულად სენსიტიური მართლმსაჯულების სისტემა, რომელიც დანაშაულს გამოავლენს და გაითვალისწინებს მსხვერპლი ქალების მდგომარეობას და საჭიროებებს; შეიქმნას სპეციალური განყოფილება შსს, რომელიც იმუშავებს ოჯახში ძალადობაზე; პოლიციელებმა აქტიურად გამოიყენონ შემაკავებელი ორდერები, როგორც დანაშაულის პრევენციის და მსხერპლის დაცვის ერთ-ერთი საშუალება; დანაშაულის ნიშნების არსებობისას, გამოიყენონ სისხლის სამართლის კოდექსის 126-ე პრიმა და მე-11 პრიმა მუხლები და დაიწყონ საქმის დაუყოვნებლივ გამოძიება. ნუ შემოიფარგლებიან სიტყვიერი გაფრთხილებებით; უბნის ინსპექტორებმა ყურადღება მიაქციონ ოჯახურ კონფიქტებს და მოახდინონ პრევენციული ჩარევა დანაშაულის თავიდან აცილების მიზნით; შსს-მ შეიმუშაოს ყველა ის სახელმძღვანელო დოკუმენტი, რომელიც დეტალურად გაუწერს პოლიციელს თუ როგორ მოახდინოს ოჯახში ძალადობის დანაშაულის იდენტიფიცირება და როგორ გამოიყენოს შემაკავებელი ორდერი ან სხვა ეფექტური საშუალება“.

პეტიციაზე ხელმოწერა შესაძლებელია აქ

ბავშვების სასაკლაო…


craing-baby-300x223

მე, გიორგი კეთილაძე, პატარა ნიკოლოზის მამა მოგმართავთ ყველა მშობელს!!! თუ თქვენი პატარის ბედი გაღელვებთ, მოერიდეთ გივი ჟვანიას სახელობის პედიატრიის აკადემიურ კლინიკაში, რეანიმაციის განყოფილებაში ბავშვების მოთავსებას, სადაც პატარების ჯანმრთელობის მდგომარეობა უფრო მძიმდება და შესაძლოა, ყველაფერი ფატალურადაც დამთავრდეს.

ამ განყოფილებაში პერსონალის დიდ ნაწილს საერთოდ არ ანაღვლებს თქვენი პატარების ბედი.

დიდი ეჭვი მაქვს, რომ სადაზღვეო კომპანიებიდან ფულის გამოძალვის მიზნით ბავშვების ჯანმრთელობის მდგომარეობა ხელოვნურად მძიმდება: არასაჭიროებისამებრ აერთებენ მართვითი სუნთქვის აპარატზე, რითაც აუარესებენ ბავშვების მდგომარეობას.

ჩემი პატარა ნიკუშა კლინიკაში მიყვანისთანავე მოათავსეს კრიტიკულ განყოფილებაში (რეანიმაციაში). დაუდგინდა მარჯვენა ფილტვის ანთება. მკურნალ ექიმს ავუხსენი, რომ ბავშვი იყო ძალიან მგრძნობიარე, ვერ სძლებდა უდედოდ და ვთხოვე, მიეცათ დედისთვის მისი ხშირი ნახვის საშუალება. ეს თხოვნა განპირობებული იყო არა იმით, რომ როგორც ზოგადად ყველა მშობელს, გვინდოდა ჩვენს შვილთან ყოფნა, არამედ იმით, რომ ვიცოდით, უჩვენოდ ყოფნის შემთხვევაში ბავშვი ფსიქოლოგიურ სტრესს მიიღებდა და ბრძოლისუნარიანობას დაკარგავდა. ამის მაგალითი ადრე უკვე გვქონდა.

ექიმი დაგვპირდა, რომ დედას მისცემდა საშუალებას, ხშირად მოენახულებინა ნიკუშა. დაპირება დაპირებად დარჩა: 24 საათის განმავლობაში უფლება გვქონდა მხოლოდ 2 – 3 წუთით გვენახა ბავშვი. ამის გარდა, შვილის მდგომარეობის გასაგებად შეგვეძლო კიდევ მხოლოდ ერთხელ ამ 24 საათში დავლაპარაკებოდით ექიმს. როდესაც ვთხოვეთ, ტელეფონის ნომერი მაინც მოეცა, რათა პერიოდულად ნიკუშას ჯანმრთელობის მდგომარეობა გაგვეგო – მან გვითხრა, რომ არ ჰქონდა ამის უფლება. იმ დროსაც, როდესაც შეგვეძლო ექიმს გავსაუბრებოდით – იგი ძალიან ზოგადი ფრაზებით: ბავშვი სტაბილურადაა, – ცდილობდა თავიდან მოვეცილებინეთ. ასე ხდებოდა ყველა სხვა პაციენტების მშობლებთანაც …

ბავშვის საავადმყოფოში მოთავსებიდან მეორე დღეს, როდესაც შევძელით მისი მონახულება, ნიკუშა ტიროდა და წრიალებდა. იმის გამო რომ ამ წრიალში ბავშვს კათეტერი არ მოეძრო, – იგი იყო დაბმულ მდგომარეობაში. როგორც კი იგრძნო დედის გვერდით დგომა, – ნიკუშა დამშვიდდა და დედას გაუცინა. ექთანმა აღნიშნა, რომ მთელი ღამის განმავლობაში ბავშვს ვერ აწყნარებდნენ და თუ ასე მოქმედებდა დედის დანახვა, ხომ არ სჯობდა მისი პალატაში დედასთან ერთად მოთავსება. დედამისის შემდეგ მეც ვინახულე 1 – 2 წუთით ნიკუშა, – ისევ წრიალებდა და ტიროდა.

საღამოს ექიმი გამოდის ჩვენთან სალაპარაკოდ და გვიხსნის, რომ ბავშვი აპარატზე უნდა შეაერთონ. დედის შეკამათების შემდეგ გვითხრა, რომ სხვანაირად ვერ უმკურნალებდა (აპარატზე შეერთების შემთხვევაში ბავშვებს ფსიქოტროპული წამლებით თიშავენ და აღარ წუხდებიან ბავშვის ტირილით).

ერთი წლით ადრე ნიკუშა ბევრად მძიმე მდგომარეობით (ორივე ფილტვის ტოტალური დაჩრდილვა) გვეწვინა თემქის ბავშვთა მე–3 საავადმყოფოში, სადაც მთელი რეანიმაციის განყოფილება – განყოფილების უფროსი ბატონი ბესო მაჭარაშვილით დაწყებული და ექთნებით დამთავრებული, – ღამეებს ათენებდნენ ჩვენთან ერთად, იბრძოდნენ ნიკუშას გადარჩენისთვის და აპარატზე შეერთებას გაურბოდნენ. მკურნალი ექიმის პაატა ნემსაძის განმარტებით, – აპარატზე შეერთებისას ავადმყოფის იმუნიტეტი სუსტდება… იგი აღნიშნავდა, რომ აპარატზე შეაერთებდა მხოლოდ და მხოლოდ იმ შემთხვევაში, თუკი სხვა გზა აღარ დარჩებოდა. განყოფილების გამგე და მკურნალი ექიმი არასამუშაო საათებშიც თავზე ედგნენ ნიკუშას. ექთნებს რამოდენიმე ღამის განმავლობაში ხელით ეჭირათ ჟანგბადის მილი, რომ ნიკუშასთვის სუნთქვა გაეადვილებინათ. ამ მაგალითის მერე ჟვანიას კლინიკაში გამეფებული ექიმისთვის შეუფერებელი გულგრილობა, ინდიფერენტულობა, უგულისყურობა და ზერელე დამოკიდებულება პაციენტისადმი ჩვენთვის შოკის მომგვრელი იყო…

მესამე დღეს ბავშვს კისერზე ნაწოლი გაუჩნდა. როცა ექიმს ვკითხე მიზეზი, თან დავამატე, რომ ნაწოლების გაჩენის თავიდან არიდება შეიძლება უბრალოდ ავადმყოფის გვერდის შენაცვლებით, ან პერიოდულად უბრალო ხელით მასაჟით, რათა სისხლი ამოძრავდეს, გვიპასუხა, რომ ამდენი დრო სად აქვთ… თუ დრო არ აქვთ კლინიკაში იმისთვის, რომ პაციენტს სათანადო ყურადღება მიაქციონ, არსებობს რამდენიმე გამოსავალი: ან გაზარდონ პერსონალი, ან დაუშვან პატარა ავადმყოფებთან დედა და ის არც მასაჟს მოაკლებს და არც დაამადლის ამას, ან იმდენ პაციენტს მოემსახურონ რამდენსაც სათანადოდ მიხედავენ და არ დახარბდნენ შემოსავალს… სხვათა შორის, საავადმყოფოში მოხვედრის დღეს გავიგეთ სხვა მშობლებისგან, რომ კლინიკაში „მიღებულია“ ტკბილეულის შეწოდება მედპერსონალისათვის, რათა უფრო „ტკბილად“ მოექცნენ პაციენტებს. როდესაც ბავშვის მდგომარეობა ძალიან დამძიმდა, ანერვიულებულებს დაგვავიწყდა შოკოლადის მიტანა. ჰმ, შეიძლება დამთხვევაცაა, – მაგრამ სწორედ იმ დღეს დღის ექთანი განსაკუთრებით ცივად და უხეშად გველაპარაკა…

მეოთხე დღეს ბავშვის მონახულებისას ვნახეთ, რომ ბავშვი იყო საშინლად დასიებული და ტანზე სისხლჩაქცევები ჰქონდა. როცა მიზეზი მორიგე ექიმს (სახელად ნინოს, სამწუხაროდ გვარი არ ვიცით) ვკითხეთ, პასუხმა შოკში ჩაგვაგდო: მე ასე გადმომაბარეს და მე რა ვიციო (ექიმი ავადმყოფს იბარებს ისე, რომ არ ინტერესდება მისი მდგომარეობით).

შემდეგ, როცა მკურნალ ექიმს დაველაპარაკეთ მან „დაგვამშვიდა“: ბავშვი სტაბილურადაა, ეს გასიება და სისხლჩაქცევები მეოთხეხარისხოვანია და ყურადღებას ნუ მიაქცევთო. (შემდეგ გავიგეთ, რომ ასეთი დასიება უკვე სეფსისის მიმდინარეობის ნიშანია). მეხუთე დღეს ბავშვი რომ ვნახე, ისევ დასიებული იყო. სისხლჩაქცევები არ მანახეს: როცა მოვინდომე ზეწრის გადახდა და ნახვა, ექიმმა ამიკრძალა: ნუ ეხები, რამე ვირუსი არ გადასდოო. ნიკუშას ტუჩები დახეთქილი ჰქონდა და დასისხლიანებული, ენა გამომშრალი. ექთან ლამარა მინაძეს მორიდებით ვთხოვე, იქნებ წყლით ან რამით დაუსველოთ, ცოდვაა მეთქი. პასუხი იყო ძალიან ცივი და უხეში: „რაც საჭიროა, ყველაფერი უკეთდება…“

ექიმს კიდევ გავუმეორეთ რამდენჯერმე, რომ ნიკუშას გასიება და სისხლჩაქცევები ძალიან გვაშინებდა. პასუხი იგივე იყო: ეს მეოთხეხარისხოვანიაო…

მეექვსე დღეს ნიკუშა ამ „მეოთხეხარისხოვანი“ სეფსისით დაიღუპა…

აი, ასეთი „კვალიფიციური“ მედ პერსონალი მუშაობს ჟვანიას კლინიკაში, ექიმის ეთიკაზე რომ არაფერი ვთქვა, ადამიანურობა და გულისხმიერებაც არ გააჩნიათ. ბავშვის დაღუპვა რომ მითხრეს, დაამატეს სასახლე თუ არ გაქვთ „კარდონის“ ყუთში ჩაგიდებთო, – (თითქოს სასახლე მზად უნდა მქონოდა …. ეტყობა მიაჩნიათ, რომ როცა ბავშვს მათთან კლინიკაში ათავსებ, – პარალელურად სასახლეც უნდა დაამზადებინო).

ბავშვის გარდაცვალების შემდეგ სანამ ნიკუშას გამომატანდნენ, მკითხეს ბავშვის გაკვეთა ხომ არ გინდათო. უარი ვუთხარი. მაშინ ფურცელზე ხელი მომიწერეთო, მოვაწერე. მხოლოდ მერე ვნახე, რომ გაკვეთაზე უარის გარდა ხელი მომაწერინეს იმაზე, რომ მედპერსონალის მიმართ არანაირი პრეტენზია არ გამაჩნდა.

ნიკუშას გარდაცვალებიდან მესამე დღეს იგივე განყოფილებაში დაიღუპა 8 თვის თეკლა (სხვათაშორის პატარა თეკლას მკურნალი ექიმიც დოდო გველესიანი იყო), რომელიც ბრონქების ანთებით იყო კლინიკაში მოთავსებული. მის მშობლებს გავესაუბრეთ და მათგან გავიგეთ, რომ კლინიკაში ჩვენი პატარების გარდა, შვიდი დღის განმავლობაში კიდევ ორი პატარა დაღუპულა…

მივმართავ ჟვანიას კლინიკის დირექციას: საავადმყოფოზე განთავსებული აბრა, სადაც წერია „გ. ჟვანიას სახელობის საუნივერსიტეტო პედიატრიის აკადემიური კლინიკა“, ჩამოხსნან და მის მაგივრად დაკიდონ აბრა, სადაც დაწერილი იქნება – „ბავშვების სასაკლაო“…

სამედიცინო საქმიანობის რეგულირების სააგენტო ნიკოლოზ კეთილაძის გარდაცვალების ფაქტს სწავლობს

საქართველოს შრომის, ჯანმრთელობისა და სოციალური დაცვის სამინისტროს სამედიცინო საქმიანობის სახელმწიფო რეგულირების სააგენტო ხატია თედიაშვილის განცხადებას სწავლობს. საქმე ეხება მცირეწლოვანი ბავშვის ნიკოლოზ კეთილაძის გარდაცვალების ფაქტს ჟვანიას სახელობის პედიატრიის აკადემიურ კლინიკაში.

„ხატია თედიაშვილი უკმაყოფილებას გამოთქვამდა გ. ჟვანიას სახელობის პედიატრიის აკადემიურ კლინიკაში შვილის, ნიკოლოზ კეთილაძის მიმართ გაწეული სამედიცინო დახმარების ხარისხთან დაკავშირებით. სააგენტოს უფროსის 2014 წლის 16 მაისის N02-271/მ ბრძანების შესაბამისად, მივლინებულ იქნა ზემოაღნიშნულ კლინიკაში სააგენტოს კომისია. საკითხის შესწავლის დასრულებისთანავე მოპოვებული სამედიცინო დოკუმენტაცია გადაიგზავნება სარეცენზიოდ შესაბამისი დარგის ექიმ-სპეციალისტებთან. ადგილზე შესწავლისა და ექსპერტთა დასკვნის საფუძველზე გადაწყდება სამედიცინო პერსონალის, ექიმთა პროფესიული პასუხისმგებლობის საკითხი. შესწავლის შედეგებს განიხილავს საქართველოს შრომის, ჯანმრთელობისა და სოციალური დაცვის სამინისტროს პროფესიული განვითარების საბჭო“ – აღნიშნულია სამედიცინო საქმიანობის სახელმწიფო რეგულირების სააგენტოს განცხადებაში.