თბილისის საკრებულოში გაცემული პრემიები


2013 წლის 1 ნოემბერიდან – 2014 წლის ივნისის ჩათვლით (სულ 8 თვე) თბილისის საკრებულოს წევრებზე გაიცა 1 247 206 ლარის პრემია, რაც თითქმის სამჯერ მეტია 2013 წლის საწყისი 10 თვის განმავლობაში საკრებულოს წევრებზე გაცემული პრემიების ოდენობაზე (439 276 ლარი). მსგავსი მდგომარეობაა საკრებულოს აპარატის თანამშრომლებზე გაცემული პრემიების თვალსაზრისითაც.

2014 წლის ივნისის თვეში მაშინდელი საკრებულოს თავმჯდომარის ბატონი ირაკლი შიხიაშვილის მიერ წინასწარ გამოცხადებული იქნა, რომ მათი მოწვევის ბოლო თვეში საკრებულოს წევრებზე პრემია გაიცემოდა თანამდებობრივი სარგოს 300%-ის ოდენობით, ხოლო საკრებულოს აპარატის თანამშრომლებზე 200%-ის ოდენობით. 2013 წლის ივნისის თვის დაგეგმილ პრემიებზე საზოგადოების მწვავე რეაქციის გადასაფარად, ბიუროს სხდომაზე მაშინდელი საკრებულოს თავმჯდომარის ინიციატივით და მრავალპარტიული ბიუროს ერთობლივი გადაწყვეტილებით, 300%-იანი პრემიიდან 100% უნდა მოხმარდებოდა ქველმოქმედებას. თუმცა, როგორც თბილისის საკრებულოდან მიღებული დოკუმენტაციით ირკვევა თბილისის საკრებულოს წევრებზე თანამდებობრივი სარგოს 300% ოდენობით პრემიის გაცემას ერთჯერადი სახე არ ჰქონია და ბატონი ირაკლი შიხიაშვილის მიერ აღნიშნული ოდენობის პრემიების გაცემის გამოცხადების პერიოდისათვის მას უკვე სისტემატური სახე ჰქონდა მიღებული განვლილ თვეებში. ივნისის თვის გარდა საკრებულოს წევრებზე თანამდებობრივი სარგოს 300%-ის ოდენობის პრემია გაიცა 2014 წლის მარტის და აპრილის თვეში.

2013 წლის ნოემბრიდან – 2014 წლის ივნისის თვის ჩათვლით (8 თვე) საკრებულოს მაშინდელ თავმჯდომარეს ირაკლი შიხიაშვილს პრემიის სახით მიღებული აქვს 54 516 ლარი, გიორგი მუსხელიშვილს – 45 430 ლარი, გიორგი ტყემალაძეს და ჯაბა სამუშიას – თითოეულს 43 890 ლარი. სხვა საკრებულოს წევრების მიერ მიღებული პრემიების ოდენობა უმრავლეს შემთხვევაში არ ჩამოუვარდება 40 000 ლარს.

sakrebuloswevrebi

2014 წლის თბილისის ბიუჯეტის პროექტის მიხედვით, თბილისის საკრებულოს შრომის ანაზღაურებისათვის გათვალისწინებული იყო 6 959 000 ლარი, საიდანაც 2014 წლის საწყისი ექვსი თვის განმავლობაში მხოლოდ პრემიებზე ათვისებულია 3 487 270 ლარი. თუ შევადარებთ განვლილი წლების მონაცემებს ვნახავთ, რომ მაგალითად 2012 წელს მთლიანად თბილისის საკრებულოს შრომის ანაზღაურებაზე დახარჯულია დაახლოებით იგივე ოდენობის თანხა (3 664 000 ლარი) , რაც 2014 წლის საწყისი 6 თვის განმავლობაში მხოლოდ პრემიებზე (3 487 270 ლარი).

მიუხედავად იმ ფაქტისა, რომ 2014 წლის ივნისის თვის შემდგომ ახალი საკრებულოს მოწვევის პირობებში საკრებულოს წევრებზე პრემიები აღარ გაიცემა, ხოლო აპარატის თანამშრომელთა წახალისების პრაქტიკაც მნიშვნელოვნად შემცირებულია (2014 წლის ივლისი-ნოემბრის პერიოდში აპარატის თანამშრომლებზე პრემიის სახით სულ გაცემულია 271 390 ლარი) 2014 წლის საწყისი 6 თვის განმავლობაში არაგეგმიურად გაცემული მაღალი ოდენობის პრემიებმა, გამოიწვია თბილისის ბიუჯეტის პროექტით შრომის ანაზღაურებისათვის გათვალისწინებული თანხების მნიშვნელოვანი გაზრდა – 2014 წლის ნოემბრის თვის მდგომარეობით თბილისის საკრებულოს შრომის ანაზღაურების გეგმამ უკვე შეადგინა 8 338 000 ლარი. მსგავსი მდგომარეობა თბილისის საკრებულოში შეიქმნა აგრეთვე 2013 წელს. 2013 წლის ბიუჯეტის გეგმით აპრილის თვის მდგომარეობით შრომის ანაზღაურებისათვის გათვალისწინებული იყო 4 585 500 ლარი, თუმცა 2013 წელს შრომის ანაზღაურების ფაქტიურმა ხარჯმა შეადგინა 6 377 400 ლარი, რაც უმეტესწილად განპირობებულია იმ ფაქტით, რომ 2013 წლის ნოემბრის და დეკემბრის თვეში როგორც ზემოთ აღვნიშნეთ გაიცა ძალიან მაღალი პრემიები.

სახელმწიფო აუდიტის სამსახურის თანამშრომლების დანამატები


2013  წელს თანამშრომლებზე (საერთო ოდენობა) დარიცხული სახელფასო დანამატების ოდენობა თვეების მიხედვით:

დარიცხული

შემოსავლების სამსახურის ჩანაცვლებული ავტომობილები


იმ  ავტოსატრანსპორტო საშუალებებისა და კომპიუტერული ტექნიკის სია, რომელიც სახელმწიფო შესყიდვების მოქმედი კანონმდებლობით ახალი, იმავე ან გაუმჯობესებული პარამეტრების მქონეერთი ან ერთზე მეტი ავტოსატრანსპორტო საშუალებით, კომპიუტერული ტექნიკით ჩანაცვლდა(თითოეულის მიმართ ახალი ღირებულებისა და ჩასანაცვლებელი ქონების შეფასებული ღირებულების მითითებით).

111111111

222222222222

33333333333333333

444444444444

555555555555555

666666666666666

777777777777777

8888888888

პროკურატურა თავდაცვის სამინისტროს მაღალჩინოსნების ადვოკატებისთვის გაგზავნილ წერილებს ასაჯაროებს


images

მაღალი საზოგადოებრივი ინტერესიდან გამომდინარე, გვსურს საზოგადოებისთვის განმარტება გავაკეთოთ საქართველოს პროკურატურის წარმოებაში არსებულ სისხლის სამართლის საქმეზე, რომელზეც ბრალდებულის სახით პასუხისგებაში არიან მიცემულნი თავდაცვის სამინისტროს თანამდებობის პირები, რომელთაც ბრალად ედებად 4 მილიონ ლარზე მეტი სახელმწიფოს კუთვნილი თანხების გაფლანგვა. აღნიშნულ საქმესთან დაკავშირებით, ბოლო დროს  თავდაცვის სამინისტროს ყოფილი  მაღალი თანამდებობის პირების, პოლიტიკოსთა გარკვეული ჯგუფის და ბრალდებულების ადვოკატების მიერ, მედია  საშუალებებით მიმდინარეობს მიზანმიმართული კამპანია პროკურატურის წინააღმდეგ, რომლის მიზანია საზოგადოების შეცდომაში შეყვანა და პროკურატურის დისკრედიტაცია.  ხსენებული პირები ცდილობენ წარმოაჩინონ, თითქოსდა მათ შესაძლებლობა არ აქვთ გაეცნონ ხსენებული საქმის მასალებს და ამ მიზნით ყველა საშუალებით ცდილობენ დამახინჯებული ინფორმაცია მიაწოდონ საზოგადოებას. ყოველივე აღნიშნული ცალსახად მიუთითებს ხსენებული საქმით დაინტერესებული პირთა ჯგუფის ზრახვას, რათა ხელი შეუშალოს საქართველოს პროკურატურის მიერ წარმოებულ გამოძიებას და შესაბამისად საქმეზე ობიექტური ჭეშმარიტების დადგენას.

საქართველოს პროკურატურამ აღნიშნულ განცხადებებთან დაკავშირებით არაერთხელ დააფიქსირა ცალსახა პოზიცია და სრული სიცხადისათვის გვსურს კიდევ ერთხელ მივაწოდოთ საზოგადოებას სრული და ობიექტური ინფორმაცია მიმდინარე პროცესთან დაკავშირებით. დაცვის მხარის მიერ გავრცელებული ინფორმაცია რომ პროკურატურა მათ საქმის მასალების გაცნობის საშუალებას არ აძლევს არის სიცრუე. უწყების მხრიდან აღნიშნულ საკითხთან დაკავშირებით არაერთი კომენტარი გაკეთდა, სადაც საზოგადოებისთვის განმარტებული იქნა მიზეზი თუ რატომ არ ხდება დაცვის მხარისთვის მასალების გადაცემა და ასევე ახსნილი იქნა, თუ რა სახით არის შესაძლებელი საქმის მასალების შესწავლა. აღნიშნულს ადასტურებს უწყების მხრიდან დაცვის მხარისთვის გაგზავნილი არაერთი ოფიციალური წერილი და მეტი თვალსაჩინოებისთვის პროკურატურა აღნიშნულ დოკუმენტებს ასაჯაროებს.

შეგახსენებთ, რომ ხსენებულ სისხლის სამართლის საქმეს მხოლოდ იმიტომ ადევს საიდუმლო გრიფი, რომ საქმეში არსებულ მასალებს თავის დროზე თავდაცვის სამინისტროს მიერ მიენიჭა საიდუმლო გრიფი და ეხება ქვეყნის სამხედრო უსაფრთხოებასთან დაკავშირებულ საკითხებს. შესაბამისად, 2014 წლის 29 ოქტომბერს ხუთივე ბრალდებულს და მათ ადვოკატებს  დროებითი მოთავსების იზოლატორში წარედგინათ საქმის მასალები. ვინაიდან არცერთ ადვოკატს არ ჰქონდა საიდუმლო დოკუმენტაციაზე დაშვების უფლება და შესაბამისად არ ჰქონდათ კანონით განსაზღვრული სახელმწიფო საიდუმლოების შემცველი ინფორმაციის  შენახვის სათანადო პირობები (იურიდიული პირის მფლობელობაში არსებული, სათანადოდ დაცული იზოლირებული სადგომი, დოკუმენტების შესანახადსეიფი ან/და რკინის კარადა), ადვოკატებს განემარტათ, რომ ვერ მოხდებოდა მათთვის საიდუმლო მასალების გადაცემა. გამომძიებლის მიერ თითოეული ადვოკატი გაფრთხილებული იქნა სახელმწიფო საიდუმლოების  გაუმჟღავნებლობაზე და მიეცათ შესაძლებლობა გაცნობოდნენ საქმის მასალებს, რაზეც ბრალდებულების ადვოკატებმა განაცხადეს უარი იმ მოტივით, რომ დროებითი მოთავსების იზოლატორში არ იყო სათანადო პირობები დოკუმენტაციის გასაცნობად და მოითხოვეს დოკუმენტების მათთვის ხელზე გადაცემა.

იმავე დღეს და ასევე 30 ოქტომბერს აღკვეთის ღონისძიების განხილვამდე, გამომძიებლის მიერ განხორციელდა სატელეფონო ზარები ბრალდებულების ადვოკატებთან და კვლავ მიეცათ შესაძლებლობა მოსულიყვნენ საქართველოს მთავარი პროკურატურის შენობაში და მათთვის სპეციალურად გამოყოფილ ოთახებში, მშვიდ ვითარებაში სრულად გაცნობოდნენ საქმის მასალებს, რაზეც მათ ასევე დაუსაბუთებლად განაცხადეს უარი და კვლავ ითხოვდნენ საქმის მასალების გადაცემას. აღსანიშნავია, რომ საქართველოს სისხლის სამართლის კოდექსის 321-ე მუხლის მიხედვით სახელმწიფოსაიდუმლოების დაცვის წესის დარღვევა წარმოადგენს დანაშაულს, რისკენაც გვიბიძგებდნენ ადვოკატები, რამეთუ სახელმწიფო საიდუმლოების შემცველი ინფორმაციის გადაცემის შემთხვევაში, მათ შენახვის სათანადო პირობები არ ჰქონდათ, რაც ავტომატურად ჩაითვლებოდა პროკურატურის მხრიდან კანონის დარღვევად.

აღკვეთის ღონისძიების განხილვის შემდეგ 2014 წლის 31 ოქტომბერს ბრალდებულების ადვოკატებს, ლევან სამუშიას, გიორგი სამუშიას, თეიმურაზ ნემსაძეს, მალხაზ ჯანგირაშვილს, დავით კორკოტაშვილს, თამარ გიგინეიშვილს და ლევან ვეფხვაძეს, ასევე იოსებ ბარათაშვილს 2014 წლის 5 ნოემბერს მას შემდეგ რაც წარმოადგინა ორდერი,  გაეგზავნათ წერილი და მათ მიეცათ შეთავაზება მიემართათ საქართველოს შინაგან საქმეთა სამინისტროს კონტრდაზვევრის დეპარტამენტისთვის,  რომელიც კანონმდებლობით გათვალისწინებული წესით, შემჭიდროებულ ვადაში უზრუნველყოფდა ადვოკატებისათვის სახელმწიფო საიდუმლო ინფორმაციასთან დაშვების უფლებას. ხსენებული პროცედურების გავლისთანავე  ბრალდების მხარე დაუყოვნებლივ უზრუნველყოფდა საქმის მასალების სრულად გადაცემას დაცვის მხარისათვის. აღნიშნული შეთავაზებაც ადვოკატებმა დატოვეს რეაგირების გარეშე. დამატებით 2014 წლის 5 ნოემბერს  ბრალდებულებს და მათი ინტერესების დამცველ ადვოკატებს გაეგზავნათ წერილი და განემარტათ, რომ მათი სურვილის შემთხვევაში ნებისმიერ დროს ბრალდებულების ყოფნის ადგილას (სასჯელაღსრულების დაწესებულებაში) მიეცემოდათ საშუალება, მათი დაცვის ქვეშ მყოფთან ერთად სპეციალურ გამოყოფილ ოთახებში, სრულყოფილად გაცნობოდნენ საქმის მასალებს და ასევე ექნებოდათ შესაძლებლობა გაეკეთებინათ მათთვის სასურველი ჩანაწერები, მაგრამ  მიუხედავად ბრალდების მხარის არაერთი შეთავაზებისა, არც ერთ ადვოკატს არ გამოუთქვამს თანხმობა. 2014 წლის 11 ნოემბერს სასჯელაღსრულების დეპარტამენტის N8 დაწესებულებაში ბრალდების მხარე შეხვდა ხუთივე ბრალდებულს მათ ადვოკატებთან ერთად და წარედგინათ საქმის მასალები, რათა გაცნობოდნენ მას და გაეკეთებინათ მათთვის სასურველი ჩანაწერები, აღნიშნული მოქმედების დროს ნიშანდობლივი ფაქტია, რომ ერთ-ერთმა ბრალდებულმა რომელმაც დაიწყო დოკუმენტების გაცნობა, ადვოკატ გიორგი სამუშიას მითითებით, შეწყვიტა საქმის მასალების გაცნობა, რაზეც გამომძიებლის მიერ შედგა შესაბამისი ოქმი.

ყოველივე აღნიშნულის გათვალისწინებით ცალსახაა, რომ ადვოკატების თვითმიზანი არ ყოფილა საქმის მასალების გაცნობა, რამეთუ მათ არაერთხელ ჰქონდათ ამის შესაძლებლობა და ჯიუტად არ სარგებლობენ მიცემული შესაძლებლობით. მსგავსი ქმედებებით ისინი ცდილობენ თავი წარმოაჩინონ უფლებადარღვეულებად, რაც როგორც ჩანს არის მათი არჩეული ტაქტიკა. აქვე აღსანიშნავია, რომ ამგვარი ტაქტიკა, რომელიც მიმართულია პროკურატურის დისკრედიტაციისკენ, პირველ რიგში აზიანებს ბრალდებულის ინტერესებს, ვინაიდან ადვოკატები არ ზრუნავენ ბრალდებულების რეალურ დაცვაზე, რის გამოც ისინი მოკლებულები არიან საკუთარი დაცვის უფლების განხორციელების შესაძლებლობას.

ამდენად, საქართველოს პროკურატურა მოუწოდებს ყველა დაინტერესებულ მხარეს, თავი შეიკავოს დაუსაბუთებელი და ცრუ განცხადებებისგან, რათა ხელი არ შეეშალოს პროკურატურის ნორმალურ საქმიანობას და საქმეზე ობიექტური ჭეშმარიტების დადგენას. აქვე გვსურს კიდევ ერთხელ განვაცხადოთ, რომ საქართველოს პროკურატურამ საიდუმლო გრიფის მოხსნის საკითხის გადასაწყვეტად საქმის მასალები მიაწოდა თავდაცვის სამინისტროს და კონტრდაზვერვის დეპარტამენტს, რომელთაგან შესაბამისი დასკვნის მიღების შემთხვევაში საქმის მასალებს მოეხსნებათ საიდუმლო გრიფი.

აქვე გვსურს საზოგადოებას ვუჩვენოთ, თუ რა პირობებში სთავაზობს საქართველოს პროკურატურა ადვოკატებს საქმის მასალების გაცნობას. კერძოდ, მათ სარგებლობაში გადაეცემათ ოთახები, საქმის მასალებით, სადაც მათ ექნებათ სრული თავისუფლება გაეცნონ ამ მასალებს და გააკეთონ ამონაწერები 24-საათიან შეუზღუდავ რეჟიმში. ერთადერთი მათი შეზღუდვა იქნება ის, რომ მათ არ მიეცემათ საშუალება ეს მასალები გაიტანონ სამუშაო ოთახიდან და მოახდინონ ასლების გადაღება, ვინაიდან აღნიშნული იკრძალება კანონით.

ვინ არის კაცი,რომელიც დათა ახალაიას უმძიმეს ბრალს უყენებს?


download

ადვოკატი მირიან ნიკოლაძე გაზეთ ,,ალიასთან’’ ინტერვიუში დეტალურად ყვება,თუ როგორ აწამებდა დათა ახალაია ადამიანებს.გთავაზზობთ ამონარიდს,აღნიშნული ინტერვიუდან:

,,როგორ ხდებოდა ადამიანების წამება კაიფში მყოფი დათა ახალაიასგან, ეს ბევრმა არ იცის. ისეთი მეთოდების შესახებ გეტყვით, რომელიც მხოლოდ სულიერად ავადმყოფმა შეიძლება ჩაიდინოს. მაგალითად, დათა ახლაიამ რკინის ხელჯოხით საკუთარ კაბინეტში გიორგი ჩეჩელაშვილს სცემა.(ჩეჩელაშვილი 2010 წლის 2 ივნისს, ნარკოტრაფიკში მონაწილეობისთვის სპეცოპერაციის დროს დააკავეს) ახალაია მას რკინის ჯოხით წვივებზე, კოჭებში და მუხლებში სცემდა, თან რას აკეთებდა იცით? აი, ფილმებში რომ სადისტები აკეთებენ, თან ურტყამდა და თან ხმამაღლა იცინოდა, შეშლილივით. ფეხებიდან სისხლი, რომ სდიოდა ჩეჩელაშვილს, ამაზე ახალაია სიცილს ვერ იკავებდა. გორგოლაჭებიანი სკამი რომ არის საკანცელარიო ხომ იცით? ამ სკამზე იჯდა, მაგიდას წიხლს მიარტყამდა, გაგორდებოდა დაარტყამდა წაქცეულს და უკანვე გასრიალდებოდა. თან იცინოდა, ჩვეულებრივი მანიაკები რომ არიან ისე.

ასევე აწამა მევლუდ სვანიძეც, რომელიც ხეზე ფეხებით დაკიდეს და უმოწყალოდ სცემეს. მერე ეუბნებოდნენ, გაიქეციო, ესეც გაიქცეოდა, ახალაია ჰაერში გაისროდა, ვითომ მოკლა ეს ადამიანი. სვანიძე ყველა გასროლაზე ძირს ეცემოდა, როდესაც მიხვდებოდა, რომ ტყვია არ მოხვდა და ცოცხალი იყო, ისევ წამოდგებოდა, შემდეგ კიდევ ,,ესროდნენ’’ და ა.შ. ხომ ხვდებით, რა დონის ფსიქოლოგიურ ტერორსა და წამებას ჰქონდა ადგილი. ამ დროს დათა ახალაია მუდმივად კაიფში იყო და რას აკეთებდა ვეღარ აზროვნებდა. წამლის ზემოქმედება იმდენად დიდი იყო, რომ ჩვეულებრივი მანიაკისა და სადისტის მეთოდებით უსწორდებოდა ადმიანებს.
ხალხს, რომ აწამებდნენ და კაბინეტებში სისხლის გუბეები დგებოდა. ხოლო თოფურიძე, საორგანიზაციო საქმეებს აგვარებდა, ანუ გააყვანინებდა ნაწამებ ადამიანებს სხვა ოთახში, დამლაგებელს გამოიძახებდა და ა.შ. ასეთი საქმეების კურირება დათა ახალაიასგან სოსო თოფურიძეს ჰქონდა დავალებული’’.

 

გაუჩინარებული 11 ცალი ,,Glock”-ის ტიპის პისტოლეტი გორში


115dachra_iaragi

შიდა ქართლის სამხარეო პროკურატურამ ვერ მიაკვლია იმ იარაღებს, რომელიც 2013 წლის მეორე ნახევარში, ჯერ ოფიციალურად შეძენილ იქნა თბილისში, შემდეგ კი ,,გამოძიებით დაუდგენელ პირებზე” გორში არაოფიციალურად გასაღდა. საუბარია ,,გლოკის” სისტემის პისტოლეტებზე.  პროკურორი გიორგი ქობულაძე ამბობს, რომ სამართალდამცავებმა მნიშვნელოვანი საქმე გამოიძიეს და გამოავლინეს.

 საქმე იმაშია, რომ 2014 წლის 7 ოქტომბერს, ამ საქმეზე დაკავებულ სამ პირს თეიმურაზ გ-ს, ზურაბ გ-ს და ნიკო კ-ს, 10-მდე ეპიზოდზე, განაჩენი გამოუტანეს. გაფორმდა საპროცესო შეთანხმება.

პროკურატურის სქემა ასეთია: კონკრეტული პირები თბილისში ,,გლოკ 17″ და ,,გლოკ 19″ ტიპის იარაღებს ოფიციალურად ყიდულობენ, შემდეგ, გორში, შედარებით დიდ ფასად  ,,არაოფიციალურად” ასაღებდნენ. პროკურატურის მიერ დათვლილი, დაახლოებით 11 ცალი ,,გლოკის” პისტოლეტი ,,დაუდგენელ პირებზე” გასაღდა. მართალია, იარაღის გასაღებაში ბრალდებულებმა  გასაღების ,,არაოფიციალური” ფაქტი აღიარეს, თუმცა 11 ცალი პისტოლეტის შემსყიდველების ვინაობა უცნობი დარჩა.

7 ოქტომბრის განაჩენის მიხედვით, საქმეში სულ 15 ცალი  პისტოლეტი ჩანს, აქედან, პროკურატურამ, საცხოვრებელ სახლებში, მხოლოდ, 4 ცალი ნახა. დანარჩენი ,,გამოძიებით დაუდგენელ პირებზეა”.

ასე მაგალითად:

1. ეპიზოდი

2013 წლის 28 ნოემბერს თეიმურაზ გ-მ გიორგი მ-სგან შეძენილი ,,გლოკ 17″ და ,,გლოკ 19″-ის პისტოლეტები გამოძიებით დაუდგენელ პირზე გაასაღა. პროკურატურის ინფორმაციით, თეიმურაზ გ-მ ეს იარაღი არაოფიციალურად შეიძინა და ასევე არაოფიციალურად გაასაღა.

2. ეპიზოდი

2013 წლის 16 დეკემბერს თეიმურაზ გ-მ არაოფიციალურად დავით ხ-სგან ,,გლოკ 17″ და ,,გლოკ 19″-ის პისტოლეტები შეიძინა და, იმავე დღესვე”  გამოძიებით დაუდგენელ პირებზე გაასაღა.

3. ეპიზოდი

2013 წლის 24 ივნისს თეიმურაზ გ-მ არაოფიციალურად ზაქარია ბ-სგან შეიძინა ორი ცალი ,,გლოკ 19″-ის პისტოლეტი და იმავე დღესვე გამოძიებით დაუდგენელ პირებზე გაასაღა.

4. ეპიზოდი

2013 წლის 17 დეკემბერს თეიმურაზ გ-მ არაოფიციალურად ლაშა ა-სგან შეიძინა ,,გლოკ 17″ და ,,გლოკ 19″-ის პისტოლეტები და, იმავე დღესვე, არაოფიციალურად გამოძიებით დაუდგენელ პირებზე გაასაღა.

5. ეპიზოდი

2013 წლის 1 აგვისტოს თეიმურაზ გ-მ ბეჟან მ-სგან შეიძინა ერთი ცალი ,,გლოკ 19″-ის პისტოლეტი და, იმავე დღეს, გამოძიებით დაუდგენელ პირზე გაასაღა.

6. ეპიზოდი

2013 წლის 13 ივნისს თეიმურაზ გ-მ გამოძიებით დაუდგენელი პირისგან შეძენილი ,,გლოკ 17″ და ,,სტეჩკინ აპს” გაასაღა, ასევე,  გამოძიებით დაუდგენელ პირებზე.

როგორც ვნახეთ, აღნიშნულ 6 ეპიზოდზე ,,გამოძიებით დაუდგენელ პირებზე” გასაღებულია 11 ცალი პისტოლეტი.

რაც შეეხება დანარჩენ იმ 4 პისტოლეტს, რომელიც აღნიშნულ სისხლის სამართლის საქმეში ფიგურირებს,  პროკურატურის მტკიცებით, ამოღებულია ბრალდებულების საცხოვრებელი სახლებიდან. ამ შემთხვევაში, ცნობილი ისაა, რომ 4 პისტოლეტი შეძენილია თბილისში ზურაბ გ-ს და ნიკო კ-ს მიერ, რომლებმაც შემდეგ თეიმურაზ გ-ს არაოფიციალურად 500-500 დოლარად  მიჰყიდეს. აღნიშნულ საქმეზე  ერთ-ერთი ბრალდებულის ადვოკატმა ნინო შავშვილმა განაცხადა, რომ მოსამართლის გადაწყვეტილება სამართლიანია. ,,რა უტყუარი მტკიცებულებებიც არსებობს საქმეში, კერძოდ, საუბარია, ნივთმტკიცებად ამოღებულ და ფიზიკურად არსებულ იარაღზე, ამის გათვალისწინებით, მიმაჩნია, რომ განაჩენი სამართლიანია. ჩემი დაცვის ქვეშ მყოფთან გაფორმდა საპროცესო შეთანხმება, ბრალი აღიარეს და იყო გარკვეული შემამსუბუქებელი გარემოებებიც. რაც შეეხება გამოძიებით დაუდგენელ პირებზე გადაცემულ იარაღებს, ამაზე ჩვენ ინფორმაცია არ გვაქვს და გამოძიების საქმეა თავისთავად” – გვითხრა ნინო შავშიშვილმა.

ტრაგედია თუ მკვლელობა,-რა მოხდა კასპში?


ytf8

6 ოქტომბერს,  კასპში აღმაშენებლის ქუჩაზე მცხოვრები 73 წლის მედიკო ზაქარაშვილი ოჯახის ახლობლებმა საცხოვრებელი ბინის ეზოში  გარდაცვლილი ნახეს.

მეზობლების თქმით, 75 წლის კონსტანტინე ნონიაშვილმა მეუღლეს ბლაგვი საგნით მიაყენა თავის არეში დაზიანებები, რის შედეგადაც მედიკო ზაქარაშვილი გარდაიცვალა.

პოლიციის განცხადებით კი,მოხუცი კიბიდან დაგორდა რამაც მისი გარდაცვალება გამოიწვია.აღნიშნულ საქმესთან დაკავშირებით შიდა ქართლის სამხარეო მთავარი სამმართველო კითხვებს არ პასუხობს.